Ирмос: Песнь победную поим вси Богу, сотворшему дивная чудеса́ мы́шцею высокою и спа́сшему Изра́иля, я́ко просла́вися.

Песнь моле́бную Богородице, ве́рнии, принесе́м, очище́ния прося́ще прегреше́ний на́ших, и от врага́ избавле́ния, и душа́м спасе́ния.

Ми́лости Бе́здну ро́ждши, поми́луи́, уще́дри не́мощь мою́, Богора́дованная, и к све́ту умиле́ния руково́дствуи́.

Вознесо́хся аз, окая́нный, мне́нием, возвы́сихся мудрова́нием и в про́пасть впадо́х прегреше́ний: покая́нием мя, Нескве́рная, па́ки испра́ви.

Без числа́ оглаго́ланьми грехо́в отягче́н, к Тебе́ припа́даю, Чи́стая: яви́ мя те́пле ка́ющася и ми́лостивна ми Судию́ сотвори́, Влады́чице.