Ирмос: Вску́ю мя отри́нул еси́ от лица́ Твоего́, Све́те Незаходи́мый, и покры́ла мя есть чужда́я тьма, окая́ннаго? Но обрати́ мя и к све́ту за́поведеи́ Твоих пути́ моя́ напра́ви, молюся.

Безду́шных естеству́, во о́вех еди́нех я́же не подоба́ше подража́вый, во о́вех же подоба́ше, в сих не покори́хся возревнова́ти, зако́ны преступи́в естества́ и чрез естество́ жи́тельствовав; те́мже мя, Отрокови́це, поми́луй.

Тьмы предста́телие дел своих в науче́ние мя положи́ша и ины́м а́бие в тех нечести́ва наста́вника; увы́ мне, что сотворю́, злы́ми моими мно́гая уловле́й? Всенепоро́чная, спаси́ мя.

Умертви́тися ми́ру от всех возмне́выйся ви́дящих мя, проти́ву мне́ния тех гряду́, преше́дый стезю, окаянный; но истинно горе мне, аще не Ты, Пречи́стая, ско́ро сей отведе́ши мя.

Грехи́ умножа́ю ины́ми грехми́ всегда́, и собира́ю огнь нестерпи́мь окаяннеи́ мое́й души́, от него́же изба́ви мя пре́жде искуше́ния о́наго, Всенепоро́чная.