Ирмос: Водрузи́вый на ничесо́мже зе́млю повеле́нием Твоим и пове́сивый неодержи́мо тяготе́ющую, на недви́жимем, Христе́, ка́мени за́поведеи́ Твоих Це́рковь Твою утверди́, еди́не Бли́же и Человеколюбче.

Иже дре́вле из небытия́ сотвори́вый вся́ческая, из Свята́го Твоего́ чре́ва происхо́дит, Челове́к быв, Чи́стая, за человеколю́бие преве́лие Человеколю́бец, да челове́ки изба́вит.

Се па́че всех Ты еси́ облагода́тствована, и превозшла́ еси́ святы́нею вся́ческая, и над все́ми превознесла́ся, и всех показа́лася еси́ превы́шшая я́ве у́мных сил, Ма́ти Бо́жия бы́вши.

Де́во, чисте́йшая Сло́ва пала́то, ду́шу мою́ дом Ду́ха яви́; воды́ живонача́льныя исто́чниче, напо́й мя, зно́ем грехо́вным иста́явша, я́ко да по до́лгу сла́влю Тя.

Ра́зве Тебе́ по Бо́зе предста́тельницу не стяжа́х, от ну́ждных мя при́сно, Всепе́тая, изыма́ющу: не пре́зри мя погиба́юща и грехми́ омраче́на.