Ирмос: Просвети́вый сия́нием прише́ствия Твоего́, Христе́, и освети́вый Кресто́м Твоим ми́ра концы́, сердца́ просвети све́том Твоего́ богоразу́мия правосла́вно пою́щих Тя.

Лю́таго мя пла́мене гее́ннска исхити́, ро́ждшая Божества́ Огнь непристу́пный, по нас бывшаго богому́жнею Ипоста́сию, Богороди́тельнице Всенепоро́чная.

Не бою́ся бу́дущих мук, окая́нный, ни тьмы, ни скре́жета зу́бнаго и че́рвия, ниже́ огня́ негаси́ма; те́мже прошу́ Тя, Де́во, сих всех мя изба́вити.

Исцели́ души́ моея́ боле́зни, Всечи́стая, зане́ родила́ еси́ неду́ги на́ша Исце́льшаго страстьми́ Его́ спаси́тельными и всечестны́ми, да ве́рно велича́ю Тя.

Не я́ко Ламе́х ю́ношу и му́жа уби́х, Богома́ти, но ум и сло́во грехми́, да не у́бо отмще́ние угото́вится ми судо́м, но зде мя изба́ви.