Ирмос: Отроцы евре́йстии в пещи́ попра́ша пла́мень дерзнове́нно и на ро́су огнь преложи́ша, вопию́ще: «Благослове́н еси́, Го́споди Бо́же, во ве́ки».

Все на Тебе́ ча́яние и наде́жду спасе́ния всю возверза́ю, те́мже все ло́же боле́зни моея́, Влады́чице, на здра́вие обрати́.

Струю́ исцеле́ний ми изле́й и клоко́чущую пещь лю́тыя огневи́цы угаси́ в коне́ц, Ты бо исто́чник, живота́ вре́яй Боже́ственнаго сла́дость.

Собра́ безме́рный ми пла́мень телесе́ мно́гое злорастворе́ние, е́же и есте́ственную испепели́ вла́гу, подо́бием главни́[100]изсуши́в окая́нное мое́ се́рдце.

Еди́на скорбя́щих ра́досте, я́ко скорблю́, ско́ро услы́ши мя; вонми́ души́ мое́й и ми́лости Твоея́ не отврати́ лице́ от мене́, Богороди́тельнице.