Ирмос: Не тле́ния искуше́нием ро́ждшая и Всехитрецу́ Сло́ву плоть взаимода́вшая, Ма́ти Неискусому́жная Де́во Богоро́дице; прия́телище Нестерпи́маго, село́ Невмести́маго Зижди́теля Твоего́, Тя велича́ем.

Ны́не на мне ми́лости Твоя́ удиви́, Богороди́тельнице, спаса́ющи наде́жду иму́щих на Тя, и соблюди́ мя я́ко зе́ницу о́ка от сопроти́вных бесо́в и страсте́й моих, в кро́ве крилу́ Твое́ю покрыва́ющи.

Ма́нием вся нося́щаго Сло́ва ро́ждши, Богоотроко́вице, помава́й ми ма́нием Его́ поко́рствовати всегда́, до́лу обра́щшуся и уклоня́ющуся к отрастем плотски́м, и льсти́вным поко́рствующу лука́ваго ма́нием.

Никто́же притека́ли́ кро́ву Твоему́, Богосла́вная, посра́млен оты́де и печа́ли прича́стен, те́мже притека́юща и мя к шедро́там Твоим поми́луй, Де́во, ча́яние мое́, да любо́вию при́сно сла́влю Тя.

От ми́лости безме́рный сляца́емь, Воли́тель ми́лости не презре́ во а́дову про́пасть впа́дшия, и из Тебе́ человеколю́бно, Чи́стая, вочелове́чився, отринове́нныя воззва́.

Стихиры, глас седьмый. Подобны:Не ктому́ возбраня́еми есмы́:

Ра́дуйся, Боже́ственная ле́ствице, Еюже сни́де Пребоже́ственный и изба́ви челове́ки е́же дре́вле паде́ния.

Ра́дуйся, сла́дости раю́, Яже Дре́во жи́зни посреде́ неизрече́нно, Чи́стая, израсти́вшая.

Ра́дуйся, человеколю́бнаго Бо́га Ма́ти, на мя человеколюбие Твое́ и щедро́ты, Отрокови́це, Твоя́ низпосли́.

От мно́гих па́губных раб Твой смуща́емь, к Тебе́ припа́даю, Богороди́тельнице: предвари́ и спаси́ мя.