Ирмос: Не послужи́ша тва́ри богому́дрии па́че Созда́вшаго, но о́гненное преще́ние му́жески попра́вше, ра́довахуся, пою́ще: «Препе́тый отцо́в Госпо́дь и Бог, благослове́н еси́».

Ра́дуйся, врата́ непроходи́мая, и́миже еди́н Вы́шний про́йде; ра́дуйся, запечатле́нный исто́чниче; ра́дуйся, Боже́ственное ме́сто зако́на и благода́ти; ра́дуйся, мо́сте, ве́рныя вся преводя́й к го́рнему достоя́нию.

Радуйся, горо несекомая, юже тайно предузре́ Дании́л; ра́дуйся, купино́ неопа́льная, ю́же медленноязы́чный Моисе́й ви́де; ра́дуйся, похвало́ проро́к и апо́стол.

Ра́дуйся, же́зле Ааро́нь, па́че ума́ прозябы́й Насади́теля жи́зни; ра́дуйся, зако́на исполне́ние и проро́ков печа́те; ра́дуйся, Влады́чице; ра́дуйся, Де́во Всечестна́я, Пресвята́я Богоро́дице.

Ра́дуйся, Ма́ти Неискусобра́чная Зижди́теля Твоего́; ра́дуйся, ве́рных наде́ждо; ра́дуйся, Источи́вшая во́ду ска́чущу[55]; ра́дуйся, похвало́ и Боже́ственное весе́лие ве́рно Тя чту́щих.