Ирмос: Воду проше́д я́ко су́шу, и еги́петскаго зла избежа́в, изра́ильтянин вопия́ше: «Изба́вителю и Бо́гу на́шему пои́м».

Плачевное житие, Ма́ти Божия, тесное, горькое же и слез испо́лнено даждь ми, я́ко да омы́ю скверну мою и чист Судии́ предста́ну.

Тленна и зе́млена и скве́рна улучи́вый спряже́ния, не пощада́х души светле́йшия, Богома́ти, добро́ты, но сластьми́ отщети́хся теле́сными.

Двере Боже́ственнаго Восхо́да, две́ри отве́рзи ми покая́ния, и от смертоно́снаго две́рий греха́ хода́тайством Твоим изба́ви, Владычице.

Посто́м, слеза́ми и пла́чем умилостивля́ется Бог о я́же во мне, безу́мием, Его́ опеча́ливших; Сего́ пре́жде конца́ ми уми́лостиви, Влады́чице.