Ирмос: Су́шу глубороди́тельную зе́млю со́лнце наше́ствова иногда́; я́ко стена́ бо, огусте́ обапо́лы вода́ лю́дем пешомореходя́щим и богоуго́дно пою́щим: «Пои́м Го́сподеви, сла́вно бо просла́вися».

Истинно Пребоже́ственнаго, Де́во Всенепоро́чная, и челове́ки слове́сныя прело́жшаго от безслове́сия на словесе́ благода́ть, еди́ная ма́терски ро́ждши Сло́ва, сло́ву пода́тися мне испроси́, Богома́ти, пе́ти и сла́вити Тя.

Оздра́вльшеся, здра́вия душ лише́ннии, преширо́ким Твоим, Честна́я, могу́тством, я́ко к Боже́ственному врачу́ прибега́юще, кре́пости

Твоея́ взыску́ем, во е́же тле́нному восприя́ти естеству́ си́лу блажи́ти и воспева́ти Тя.

Яд всепа́губный, его́же пре́жде естеству́ на́шему изблева́ вше́дый в раи́ злосове́тник змии́, сла́достию Твое́ю Боже́ственною, Бого ма́ти, очи́стши, сла́вити Тя и ра́доватися ны́не нас укрепи́.

Естество́м у́мным сада́ животво́рна в виде́нии ны́не пресла́вно наслажда́еми, те́плаго ра́ди хода́тайства Твоего́, Влады́чице, и́же к зем- ли́ укло́ныниися и сне́дию дре́ва уме́ршии́ Тя в пе́снех по до́лгу вси велича́ем.