Ирмос: Вбе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли, Бо́же, мя возведи́.

Воплоща́ется Сло́во во утро́бе Твое́й, и благоутро́бием познае́тся Челове́к, да бо́гом челове́ка соде́лает, Отрокови́це Нескве́рная.

Жене́ ра́ди Младе́нец по мне Всесоверше́нный бысть, обновля́я мя обветша́вша страстьми́ Тобо́ю, Всесвята́я Богоневе́сто.

Покрове́нное бе́дне се́рдце мое́ согреше́ний неизрече́нных волна́ми, всемо́щным моле́нием Твоим, Пресвята́я Де́во, спаси́.

Земноро́днии Твое́ Рождество́ почита́ют и славосло́вят а́нгелов чи́нове, и Тя я́ко Богоро́дицу сла́вят, Присноде́вая Отрокови́це.

Седален, глас вторый. Подобен:Вы́шних ища́й:

От любве́ душе́вныя притека́ю ны́не к покро́ву Твоему́, прося́, Чи́стая, грехо́в разреше́ния; не отри́ни, Нескве́рная, но благоутро́бне приими́ вопию́ща: Яже Бо́га ро́ждшая Воплоще́ннаго, неду́гующую мою́ ду́шу исцели́.