Ирмос: Услы́шах слух Твой и убоя́хся, разуме́х дела́ Твоя́ и ужасо́хся, Го́споди.

Сла́вное Светода́вца жили́ще благода́рственными пе́сньми воспои́м, лю́дие: ра́дуйся, ми́рови сла́во и спасе́ние.

Всесве́тлую пала́ту Иису́сову воспои́м, ве́рнии, взыва́юще я́сно: ра́дуйся, Де́во, всех удобре́ние.

Ра́дуйся, одушевле́нный черте́же Царе́в, похвале́ ве́рных и проре́ков печа́те; а́нгелов, ра́дуйся, весе́лие.

Наслажда́ется правосла́вных собе́р, пою́ще Тя, я́ко Богома́терь, Всенепоро́чная, со а́нгелом Тебе́ зовы́й е́же «ра́дуйся».