Ирмос: Несть свят, я́коже Ты, Го́споди Бо́же мой, вознесы́й рог ве́рных Твоих, Бли́же, и утверди́вый нас на ка́мени испове́дания Твоего́.

Издале́ча сей прови́дя, Влады́чице, день и той я́ко настоя́щ помышля́я при́сно, со слеза́ми Тя те́плыми моли́х: не оста́ви мене́.

Угаше́ну уже́ всеконе́чне орга́ну слове́сну, язы́ку свя́зану и затвори́вшуся гла́су, се́рдца сокруше́нием молю́ Тя: Влады́чице моя́, спаси́ мя.

Вбеззако́ниих зача́т есмь, вску́ю роди́хся? И се прогне́вавый Бо́га Блага́го, во огнь ве́чный отхожду́, имы́й бы́ти му́чимь.

Не отврати́ от мене́ мно́гих щедро́т Твоих, ниже́ утро́бу Твою́ человеколю́бную затвори́, но предста́ни ми ны́не, Чи́стая, и в час помяни́ мя су́дный.