Ирмос: Бе́здна после́дняя грехо́в обы́де мя, и исчеза́ет дух мой; но простры́й, Влады́ко, высо́кую Твою́ мы́шцу, я́ко Петра́ мя, Упра́вителю, спаси́.

Волна́ми погружа́юся страсте́й и сласте́й грехо́вных, раб Твой; Богоро́дице, предвари́ и Боже́ственным Твоим окормле́нием ко приста́нищу покая́ния мя путево́ждствуй.

Струи́ мне слез духо́вных, Отрокови́це, пода́ждь, да омы́ю ти́ну прегреше́ний моих, и к воде́ напра́ви отра́ды в день су́дный.

Успо́х к сме́рти духо́вней и во гро́бе лежу́ отча́яния, но даждь ру́ку мне и воздви́гни, молю́ся, к покая́нию и животу́ наставля́ющи мя.

Превзыдо́ша вои́стинну главу́ мою́ мно́гая моя́ беззако́ния, я́ко бре́мя тя́жкое отяготе́ша на мне, но облегчи́ яре́м мой, Всепе́тая.

Седален, глас третий. Подобен:Красне́йшую:

Все житие́ в нераде́нии мно́зе, Всечи́стая, преидо́х, и ко исхо́да вре́мени ныне прибли́жився, враг моих устраши́хся: еда́ растерза́ют ду́шу мою́ и па́губней я́рости мя предадя́т? Но уще́дри и изба́ви сих озлобле́ния.