Ирмос: Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: «Превозноси́мый отцев Бог и препросла́влен».

«Устне́ к пе́нию движа́ проро́к, привлече́ Ду́ха, я́ко пи́сано есть, аз же сия́ отверза́яй, буесло́вная отрыга́ю, но Ты мя уцелому́дри жела́нием Твоим.

Нощь мя глубо́кая содержи́т согреше́ний, и воззре́ти не могу́ к покая́ния све́ту, Богоневе́- сто, но Ты воздви́гни те́плою Твое́ю моли́твою ко умиле́нию.

Безпло́дная яви́хся смоко́вница аз, Бого ма́ти, и бою́ся изрече́ния посека́тельна, но Ты ми исхода́тайствуи́ и ны́не пожда́ние, я́ко да осы́плю себе́ в гно́я ме́сто слеза́ми.

О, ка́ко понесу́ огнь гее́нскии́! О, ка́ко стерплю́ че́рвия и скре́жет зубны́й, Всепе́тая! Но Ты мя изба́ви те́плым Твоим моле́нием к Вы́шнему.