Ирмос: Возопи́ к Тебе́, ви́дев ста́рец очи́ма спасе́ние, е́же лю́дей прии́де от Бо́га: «Христе́, Ты Бог мой».

Мари́е, Ма́ти Христа́ Зижди́теля, кни́го Бо́жия всезапеча́танна, в кни́гах небе́сных Твоими моле́ньми, Чи́стая, и мене́ напиши́.

Иже ве́рою Боже́ственною све́щник ин светлоно́сен Тя му́дрствующии́, в невеще́ственнем све́те, Блага́я, Твое́м уясни́мся.

Угаси́ я́ко ветр похоте́ние, сокруши́ я́рость злых звере́й моих, и души́ моея́ сло́во трича́стне, Де́во, соблюда́й[43].

Во о́бразе е́же по о́бразу Бо́жию обогати́ти ся пода́ждь ми, в подо́бии по подо́бию, Чи́стая, сохраня́й.

Седален, глас третий. Подобен:Де́ва днесь:

От ве́ры те́плыя Ти вопию́, Богоро́дице, недосто́йными усты́ и скве́рным се́рдцем, спаси́ мя угле́бшаго грехми́, уше́дри неча́янием уме́рша, да зову́ спаса́емь: ра́дуйся, Де́во, христиа́н похвало́.