Ирмос: Ят бысть, но не удержан в пе́рсех китовых Ио́на: Твой бо о́браз нося́, Страда́вшаго, и погребе́нию Да́вшагося, я́ко от черто́га от зве́ря изы́де. Приглаша́ше же кустоди́и: «Храня́щии су́етная и ло́жная, милость сию оста́вили есте́».

Не пре́зри к Тебе́ прибе́гша Твоего́ мя раба́, Блага́я, во искуше́ния впа́дша мно́жества ра́ди беззако́ний моих. Аще бо и вся челове́ки грехми́ превзыдо́х, но не отступи́х от Тебе́, Жи́зни Роди́тельнице, те́мже Твое́ю си́лою мя сохрани́.

Щедро́тами Твоими, Безневе́стная Ма́ти, виждь суд мой и разсуди́ посреде́ непра́ведно напа́дающих на мя, и по́мощи ру́ку ско́ро простри́, и вся́кия изба́ви беды, наве́та льсти́ва, тли и напа́сти, и покро́вом Твоим Божественным сохрани́.

Се в пропа́сть бу́ри нестерпи́мыя впадо́х, Влады́чице Чи́стая, мно́жеством лю́тых, окая́нный, обурева́емь. Те́мже из глубины́ серде́чныя Ти вопию́: предвари́, Дево, и вы́шша озлобле́ния покажи́ и вре́да и́же от враг, и покро́вом Твоим Божественным сохрани́.

Обновити даждь ду́шу мою́, и кончи́ны в Бо́зе любле́ние, и страх хода́тайствы Твоими, Благослове́нная; от землере́тных[72]же помыш ле́ний исто́ргни и от дел и словес душетленных прибегаю к Тебе́, и Боже́ственным покро́вом Твоим Боже́ственным сохрани́.

Седален, глас шестый. Подобен:Упова́ние ми́ра:

Изнемога́ет ны́не мой ум, во глубины́ впады́й помысло́в сопроти́вных, и несть ми отра́ды. Услы́ши мя во вре́мя напа́стей и да́руй, я́ко Блага́я, поко́й, да не бу́ду лука́ваго снедь, Отрокови́це Благослове́нная.