Ирмос: Коня́ и вса́дника в море Чермное, сокруша́яй бра́ни мы́шцею высокою, Христо́с истрясе́, Изра́иля же спасе́, побе́дную песнь пою́ща.

Глаголы хвале́бныя и гла́сы молении́ от смы́сла нище́тна и недосто́йных усте́н, дерза́я, Тебе́ приношу́; Ты же, Отроковице, приими́ сия́, я́ко две ле́пте богоприя́тныя.

Другий рай вемы Тя мысленный, несосудно[64]побежда́ющ и́же во Еде́ме рая́, Мари́е Всенепоро́чная; Ты бо, Богоневе́стная, нетле́ние челове́ком прозябла́ еси́.

Дре́во жи́зни объя́ти в раи́ Ада́м возбране́н бысть, дре́ва ве́дения причасти́выйся, от сме́рти же спасе́ся, Богоро́дице, Тобо́ю объя́вый безсме́ртие.

Годила́ еси́ Плотоно́сца, пре́жде Безпло́тнаго, Пита́теля сосцы́ Твоими, Всенепоро́чная, воспита́ла еси́, Его́же у́бо моли́ доброде́телей хле́бом препита́ти мя и дея́ний Боже́ственных.