Ирмос: Обра́зно во а́нгельстем я́вльшася зра́це, и де́ти прохла́ждша посреде́ горя́щия пе́щи, благослови́те, дела́ Госпо́дня, Го́спода.

Изба́ви, Всепе́тая, моле́ньми Твоими от вся́каго озлобле́ния и неудо́бства жите́йска, и Твой пода́ждь ми покро́в спаси́тельный.

Световожа́тая су́щих во тьме, Мари́е Честна́я, о́чи души́ моея́ просвети́, молю́ся, мрак страсте́й све́том Твоим разоря́ющи.

Соблюди́ ны от наве́та враго́в невреди́мы, ве́рою и́мя Твое́ призыва́ющих, языковре́дие тех и уста́ оброти́вши[40], Чи́стая.

Яко Творца́ всех пло́тию ро́ждшая, укрепля́еши и мо́жеши ели́ка хо́щеши, Всенепоро́чная, те́мже бу́дущаго ны изми́ осужде́ния.