Ирмос: Пещь, Спа́се, ороша́шеся, о́троцы же, лику́юще, поя́ху: «Благослове́н еси́, Бо́же оте́ц на́ших».

Облак Тя вем, Богоневе́сто, Со́лнца сла́вы заче́нший, световодя́щаго вся нощеобра́зная моя́ прегреше́ния.

Изсуши́вши сады́, Богоневе́стная, помысло́в и безме́стных моих дея́ний, при́сно прозяба́ти мя доброде́тели плоды́ сотвори́.

Наг есмь доброде́телеи́ оде́жды и измета́юся черто́га бра́чна дале́че; Христа Ро́ждшая, в нетле́ние мя облецы́.

Уязвля́ти мене́ непреста́нно не оставля́ет, Де́во, со́весть извну́трь, но измени́ мя ско́рым Твоим заступле́нием.