Ирмос: Бе́здна после́дняя грехо́в обы́де мя, и исчеза́ет дух мой; но прострый, Влады́ко, высо́кую Твою́ мы́шцу, я́ко Петра́ мя, Упра́вителю, спаси́.

Сон нераде́ния пости́же мя лю́тый и в па́губу срее́т[38]сме́ртную, но Сама́ к покая́нию возста́ви, Влады́чице, и спасе́ние да́руй.

Во́лны помышле́ний стра́стных вы́ну смуща́ют мя, бу́ря же лука́вых духо́в погружа́ет, Нескве́рная, но утверди́ на ка́мени мя безстра́стия.

Просвети́ сия́нием Твоим, Блага́я, о́чи мой серде́чныя, смеше́нием отемне́нныя помысло́в, и сы́ном све́та соде́лай, и в ме́сте све́тле всели́.

Иму́щи состра́стие обильно и благоутро́бие неизме́рно, сие́ на раба́ Твоего́, Тя призыва́юща, бога́тно ны́не изле́й и спаси́ мя.

Седален, глас третий. Подобен:Бо́жия ве́ры:

Утеше́ние стужа́емых, очище́ние согреша́ющих Ты яви́лася еси́, Матероде́во Влады́чице; челове́ков бо Спасе́ние ро́ждши, столп кре́пок ве́рным еди́на была́ еси́. Те́мже вопие́м: Христа́ Бо́га моли́ дарова́ти нам ве́лию ми́лость.