Ирмос: Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: «Превозноси́мый отце́в Бог и препросла́влен».

Одожде́нием слез ороси́ олядене́вшее се́рдце мое́, и души́ моея́ бразды́, Отрокови́це, напо́й умиле́нием, доброде́телей ро́ждия мно́жащи.

Якоже в нощи преидо́х житие, дела нощна́я творя́й, помраче́н душе́ю, но просвети́ мя све́том моле́ний Твоих, Свет Боже́ственный ро́ждши, Всепе́тая.

Стремле́ньми неоде́ржными ко греху́ долу влеко́м всегда́, я́коже раб повеле́ния пло́ти творю́, Всенепоро́чная; го́рькаго сея́ мучи́тельства изба́ви мя.

Многообра́зно лука́вый змий при́сно мне належи́т, сластьми́ и печа́льми смуща́я, но утверди́ мя, Чи́стая, на ка́мени безстра́стия.