Ирмос: Одея́йся све́том я́ко ри́зою, к Тебе́ у́тренюю, и Тебе́ зову́: ду́шу мою́ просвети́ омраче́нную, Христе́, я́ко еди́н Благоутро́бен.

Напа́стей бу́рею мя погружа́ема, ко приста́нищу Твоея́ тишины́, Всесвята́я, напра́ви, безстра́стия Ко́рмчию ро́ждшая.

Ниже́ ум небе́сный вои́стинну возмо́жет Тя, Богома́ти, пе́ти досто́йно: Зижди́теля бо родила́ еси́, небе́сными воспева́ема си́лами.

Нова́го родила́ еси́ я́ко Младе́нца, Нескве́рная, Иже пре́жде век от Отца́ Безле́тнаго возсия́вша безле́тно, Его́же за мир моли́, Богоневе́стная.

Просвети́ о́чи ума́ моего́, све́щниче всезлаты́й Све́та Боже́ственнаго, и страсте́й разори́ омраче́ние, Де́во, и всего́ мене́ уясни́.