Ирмос: Бе́здна согреше́ний обы́де мя после́дняя, но я́ко проро́ка Ио́ну, Го́споди, Го́споди, возведи́ из нетле́ния живо́т мой.

Бе́здна грехо́в потопля́ет в коне́ц преокая́нную ду́шу мою́, Всесвята́я Влады́чице, ру́ку по́мощи ми пода́ждь.

Бе́здна благоутро́бия су́щи, в ти́не страсте́й лю́те угле́бша мя возведи́ к безстра́стия высоте́, Богоро́дице.

«Ра́дуйся» а́нгельски Ти удо́бь вопие́м, Де́ве Пренепоро́чней; ра́дуйся, огражде́ние раб Твоих и опло́те необори́мый.

«Ра́дуйся» Ти Всепе́той и Неискусому́жней Де́ве ныне ра́достно приношу́; ра́дуйся, заступле́ние и похвало́ к Тебе́ притека́ющих.

Седален, глас вторый.Моле́ние те́плое:

Еди́на Бо́га безсе́менно ро́ждшая и па́ки чиста́ по рождестве́ пребывшая, к Тебе́ припа́даем, Влады́чице, стра́хом и любо́вию зову́ще: страсте́й, боле́знеи́ лютых и вся́кия ско́рби изба́ви ны.