Ирмос: Впещь о́гненную ко отроко́м евре́йским снизше́дшаго и пла́мень в ро́су прело́жшаго Бо́га по́йте, дела́, я́ко Го́спода, и превозноси́те во вся ве́ки.

Вдеви́честей утро́бе Твое́й, я́ко на небеси́ седмокру́жнем, Богомладе́нца носи́ла еси́ всех Зижди́теля, и ро́ждши, Всечи́стая, пребыла́ еси́ я́ко пре́жде нескве́рна: стра́шное чу́до!

Вмногоплаче́внеи́ боле́зни, я́ко в пещи́ огнепа́льнеи́ бех раб Твой, Богороди́тельнице, и изба́влен бых Твоими моле́ньми от обдержа́щия му́ки, я́ко из пла́мене о́троцы.

Благода́рственная Тебе́ пе́ния я́ко госпо́дско достоя́ние приношу́ о́трок Твой, Богороди́тельнице; воспева́ю Твое́ заступле́ние и предста́тельство стра́шное, и́миже при́сно мя покрыва́еши.

Ты приско́рбнеи́ души́ мое́й врачевство́ еси́ сла́дкое, я́ко благоутро́бна, Мари́е Чи́стая, свет серде́чный содева́ющи те́мным моим помысло́м и храня́щи спаса́еши.