Ирмос: Коня́ и вса́дника в мо́ре Чермно́е, сокруша́яй бра́ни мы́шцею высо́кою, Христо́с истрясе́, Изра́иля же спасе́, побе́дную песнь поюща.

Вси́ челове́ков ро́ди почита́ют Тя, я́коже дре́вле, Де́во, проро́чески прорекла́ еси́; и мене́ у́бо приими́, певца́ Твоего́, Влады́чице, и озари́ и вразуми́.

Сокруши́ла еси́ сме́рти жа́ло, грех мирски́й, Жизнь ро́ждши и́стинную, е́юже притупи́ страсте́й моих, Влады́чице, стре́лы о́стрыя ско́ро.

Еди́на преиспреще́на ря́сны деви́ческими от ве́ка я́вльшаяся, ю́же от смо́ковницы ри́зу

Ада́млю раздра́ла еси́; те́мже ны́не мя облецы́ целому́дрия ри́зою, Де́во, моле́ньми Твоими.

Бога́тую и Боже́ственную сла́ву дще́ри мно́ги предъявле́нно стяжа́ша, но Ты, Влады́чице, вся без сравне́ния превозшла́ еси́; тем ны́не обогати́ мя небе́сными и Боже́ственными благода́тьми.