Ирмос: От земноро́дных кто слы́ша таково́е? Или́ кто виде когда́, я́ко Де́ва обре́теся во чре́ве иму́щая, и безболе́зненно Младе́нца поро́ждшая? Сицево́е Твое́ чу́до, и Тя, Чи́стая Богоро́дице, велича́ем.

От земноро́дных кто хвалу́ Тебе́ не сплете́т или́ славосло́вия не изглаго́лет, я́ко Хода́таица еси́ всем к Бо́гу? С ни́миже и мне, во всех Твоему́ рабу́, зане́же воспева́ю и в пе́снех, Богоро́дице Мари́е, велича́ю Тя.

Внапа́стех со́лнца светле́йший облистава́ет кре́пкаго Твоего́ предста́тельства свет, прогоня́яй от души́ моея́ печа́ли о́блаки. Те́мже и воспева́ю, и в пе́снех, Богоро́дице Мари́е, велича́ю Тя.

Вжена́х Ты еди́на яви́лася еси́ чу́до преди́вное, ро́ждши и не растли́вши де́вства Твоего́, Чи́стая: Иже бо па́че естества́ естество́ новосеки́й Сам Бог есть Рожде́йся. Те́мже Тя ве́рою и лю́бовию непреста́нно велича́ем.

Вси вку́пе е́же «ра́дуйся» Ти вопие́м, я́ко роди́вшей Ра́дость и почествова́нней мольбо́ю от всех концо́в, и́бо и мое́ заступле́ние, моле́бника Твоего́, сицева́ благода́ть Твоя́ есть; те́мже Тя в пе́снех, Богоро́дице, велича́ем.

Стихиры, глас вторый.Подобен:Егда́ от дрёва:

Ра́дуйся, Юже ви́де иногда́ дверь затворе́ну Бо́жиим Ду́хом проро́к, еюже един Всевиновный про́йде; ра́дуйся, нарочито слышание, чу́до пресла́вно; ра́дуйся, ста́мно зла́тая, Ма́нну нося́щая; ра́дуйся, сокро́вище нище́тствующих; ра́дуйся, немощству́ющих кре́посте; ра́дуйся, злополу́чных исправле́ние.

Ра́дуйся, приснотеку́щий исто́чниче златоза́рнаго, Дево, и Божественнаго пото́ка; ра́дуйся, заступле́ние и предста́тельство челове́ков; ра́дуйся, свято́е жили́ще Влады́ки всех, сосу́де чистейш многоце́ннаго ми́ра; ра́дуйся, богоро́сное руно́, е́же дре́вле Гедео́н прови́де, Ду́хом Бо́жиим просвеще́н.

Радуйся, милости реко; ра́дуйся, та́инственое зерца́ло и две́ре, Всечи́стая; ра́дуйся, неисчерпа́емо сла́дкое мо́ре благода́тей духо́вных; ра́дуйся, ве́чнующих венце́в Хода́таице боголе́пных и по́честеи́; ра́дуйся, похвало́ ми́ра, вся́каго похвале́ния и словесе́ без сравне́ния Превосхо́днейшая.

Возми́ ру́це Твой, Блага́я, к Сы́ну Твоему́, и сосца́ я́же Сей сса покажи́, и пелены́ Сему́ воспомяни́, и я́же Онаго смеси́ Твоим, Богоро́дице, кре́ст, гво́здие же, копие́, кро́ви, я́звы и стра́сти вся, и та́ко уми́лостиви Сего́ о нас и изба́ви муче́ния.