Ирмос: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Очисти́лище[96]всегда́ се́рдце мое́, Пренепоро́чная, показу́й помышле́ний святы́х и грехо́в очище́ние.

Спасе́ние ми пода́ждь душе́вное и теле́сное, и неду́гующему да́руй цельбу́ и боле́зней избавле́ние.

Ко́зни бесо́в лука́внейших, Непоро́чная, упраздни́ и страсте́й привозста́ние, и немощству́ющим здра́вие да́руй.

Из утро́бы Твоей, Всесвята́я, пра́вды возсия́ Со́лнце и мир озари́л есть, Его́же Боже́ственными заря́ми и мене́ просвети́.