Ирмос: Иже от не су́щих вся приведы́й, Сло́вом созидаемая, соверша́емая Ду́хом, Вседержи́телю Вы́шнии́, в любви́ Твое́й утверди́ мене́.

Изба́ви от вся́ческих бед и напа́стей пою́щия, Влады́чице, всесвято́е Твое́ рождество́, и́маши бо е́же мощи́ хоте́нию Твоему́, Нескве́рная, равноче́стное.

Удиви́ Твоя́ бога́тыя на мне ми́лости и ру́ку по́мощи ми пода́ждь; и́маши бо е́же мощи́ хоте́нию Твоему́, Нескве́рная, равноче́стное.

Ура́ниша стре́лы мя сопроти́внаго, но Божественным ма́нием Твоим на здра́вие преведи́; и́маши бо е́же мощи́ хоте́нию Твоему́, Нескве́рная, равноче́стное.

Ум повину́в двиза́нием пло́ти, мра́ка испо́лнихся, Ты же очи́сти и просвети́; и́маши бо е́же мощи́ хоте́нию Твоему́, Нескве́рная, равноче́стное.