Ирмос: Тебе́ Вседетелю в пещи́ о́троцы, всеми́рный лик спле́тше, поя́ху: «Дела́ вся́кая, Го́спода по́йте и превозноси́те во вся ве́ки».

Вода́ безча́дствующая страсте́й души́ моея́ утро́бу изсуши́ и непло́дну сотвори; Богома́ти, о́блаче ле́гкий, дождь Боже́ствен мне окропи́, я́ко да изращу́ плоды покая́ния.

Бу́рю помышле́ний стра́стных и молву́ укроти́, Всечи́стая, мольба́ми Твоими, и ко приста́нищу безстра́стия напра́ви, да сла́влю Тя во вся ве́ки.

Умная две́ре заключе́нная, е́юже еди́н про́йде Благоутро́бный Бог, врата́ страсте́й моих заключи́ и упова́ния отве́рзи ми две́ри.

Возми́ от мене́ согреше́ний бре́мя, еди́на Ро́ждшая неизрече́нно ми́ра всего́ взе́млюща грех весь, Агнца и Сло́во Бо́жие.