Ирмос: Твой мир даждь нам, Сы́не Бо́жий, ино́го бо разве Тебе́ бо́га не зна́ем, и́мя Твое́ имену́ем, я́ко Бог живы́х и ме́ртвых еси́.

Острым поще́ния ра́ди путе́м доброде́тели ступа́ти ми, Де́во, легча́е поспешеству́и́, я́ко да стра́сти укрощу́ и безстра́стия уви́жду ти́хое приста́нище.

Тобо́ю еди́ным прибе́жищем бога́тствуем, Чи́стая, вси Бо́га зле прогне́вавшии и грехми́ отягче́ни, я́ко да Твоими мольба́ми к Нему́ очи́стимся.

Поще́ньми и моле́ньми иногда́ Ниневи́я ми́лостивна ей еди́наго Человеколю́бца в покая́нии соде́я, аз же, Богома́ти, к Тебе́ ны́не прибега́ю.

Растли́вый Боже́ственную оде́жду креще́ния, ин несть я́ко аз всескве́рный. Те́мже вопию́ Ти: не пре́зри мя, но спаси́ неключи́ма раба́.