Ирмос: На горе́ святе́й просла́вльшася и в купине́ огне́м Присноде́вы Моисе́ови та́йну я́вльшаго, Го́спода по́йте и превозноси́те во вся ве́ки.

Изба́ви тогда́ Твоя́ рабы́, егда́ Сын Твой суди́ти прии́дет род челове́ч и разлучи́ти, увы́, друг от дру́га пра́ведный и гре́шный.

Чу́до ве́лие: ка́ко млеко́м пита́еши, Де́во, и Де́ва яви́ся по рождестве́? Пресла́вны вои́стинну та́йны Твоя́; те́мже покланя́емся и превозно́сим неизрече́нное Твое́ рождество́.

Удали́хся Тебе́ и омерзе́х, поноше́ние и поруга́ние су́щим о́крест мене́; но не пре́зри, Де́во, молю́ся, в коне́ц раба́ Твоего́.

Умерщвле́на угрызе́нии льсти́ваго, оживи́ мя, Жизнь Ро́ждшая, и не оста́ви мя соодолева́ти сему́ недоуме́юща и смире́нна.