Ирмос: Услышах, Го́споди, сла́вное Твое́ смотре́ние и просла́вих, Человеколю́бче, непостижи́мую Твою си́лу.

Песносло́вяще, Нескве́рная, во утробе́ Твое́й Воплоти́вшася, я́ко Богома́терь Тя славосло́вим.

Изба́влени, Всесвята́я, мра́чных а́довых недр Боже́ственным Твоим Рождество́м, Тя ублажа́ем.

Изми́ от вся́каго озлобле́ния сопроти́вна, Де́во, ве́дущих Тя вои́стинну Богома́терь Пречи́стую.

Яко приста́нище Тя иму́ще и изве́стное ми́ра спасе́ние, к Тебе́, Богоро́дице, вси притека́ем.