Ирмос: Отча не́дра не оста́вль и соше́д на зе́млю, Христе́ Бо́же, та́йну услы́шал смотре́ния Твоего́ и просла́вил Тя, еди́не Человеколюбче.

Уподо́бивыйся Челове́к нам, Отца́ неразлу́чный, благосоверше́нную Тя, Матероде́во, возлюби́; Его́же нам подража́ти моля́щи не преста́й, Всепе́тая.

Зако́ны но́выя дая́й на земли́ Творе́ц, блаже́нств нача́тки даде́, «нищии», глаго́ляй, «блаже́ни и пла́чущии», и́хже нам исполня́ти моли́ся.

Бо́га челове́ком, Чи́стая, ро́ждши, воплоще́нна от чи́стых крове́й Твоих, моли́ страсте́й мя изба́вити, согреше́ний и вся́кия ско́рби.

Изми́ ны, Богороди́тельнице, вся́каго преще́ния и лю́тыя му́ки и огня́ ве́чнующа, я́же угото́вашася преступа́ющим зако́ны Христо́вы.