Ирмос: Тебе́ Вседе́телю в пещи́ о́троцы, всеми́рный лик спле́тше, поя́ху: «Дела́ вся́кая, Го́спода по́йте и превозноси́те во вся ве́ки».

Сла́вою Боже́ственною еди́на просвеще́на, я́ко Ма́ти су́щи Просла́вльшаго Тя, сла́вы свы́ше ми улучи́ти Боже́ственныя, Отрокови́це, испроси́ еди́наго Присносла́вимаго.

Вся избра́нна и просвеще́нна еси́, вся еди́на нескве́рна, чиста́ и непоро́чна, те́мже Ти вопию: Де́во любоблага́я, очи́сти мя от вся́кия скве́рны Твоими моле́нии.

Даждь, Богороди́тельнице, очище́ние и жития́ исправле́ние к Тебе́ прибега́ющим, я́ко да непреста́нно пое́м Тя, Де́во, и превозно́сим во вся ве́ки.

Па́че све́тльших и я́снших луч со́лнечных Твое́ заступле́ние, Влады́чице: всем бо чуде́с лучи́ простира́ющи, мглу реши́ши страсте́й и боле́зней.