Ирмос: Го́ру Тя благода́тию Бо́жиего приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние.

Го́ру Тя прови́де Дании́л несеко́му, приосене́нну же Авваку́м, усыре́нну Дави́д; го́ру и́ну свя́ту, явле́нну и ту́чну, Всепе́тая, в ню́же всели́тися Бог благоволи́.

Боже́ственную зна́ем пала́ту Сло́ва Тя, в Ню́же пло́тски Всели́выйся новосотвори́ ны истле́вшия страстьми́; те́мже Чи́стую Богома́терь Тя чтим и от Тебе́ Рожде́ннаго сла́вим.

Боже́ственное Тя разуме́ем и непоро́чно зерца́ло, а́ко прие́мшу сияние Боже́ственныя Зари́, и сию́ облиста́вшу пло́тски ми́ру всему́, Всепе́тая, во спасе́ние пою́щих Тя.

Храм Тя ве́мы Бо́жий преочшце́нный, Творца́ небесе́м и всеи́ тва́ри, Чи́стая, те́мже Ти вопие́м: хра́мы Ду́ха Бо́жия соде́лай ны, те́плым Твоим моле́нием от Него́ обога́щшияся.