Ирмос: Тебе́ у́мную, Богоро́дице, пещь разсмотря́ем вернии: я́коже бо о́троки спасе́ три Превозноси́мый, мир обнови́, во чре́ве Твое́м всеце́л, хва́льный отце́в Бог и препросла́влен.

Све́тлый Влады́ки черто́же, ра́дуйся, Всечу́дная, Чи́стая; ра́дуйся, стено́ ве́рным; ра́дуйся, ле́ствице, вводя́щая в Боже́ственный покой сладкопою́щих Рождеству́ Твоему́: хва́льный отце́в Бог и препросла́влен.

Егоже не вмеща́ет не́бо вмести́ла еси́, я́ко ши́ршая небе́с, Богородице, слове́сное не́бо и одушевле́нное, сотво́ршаго небеса́ волею еди́наго Бога, небесе́ и земли́ удобре́ние.

Да бу́дет бог челове́к, из Тебе́ воплоти́ся Бог, Егоже моли́ приле́жно, Всенепорочная, спасти́ся рабом Твоим наве́тов чужда́го, и лю́таго пла́мене гее́ннска и вся́кия скорби.

Юже во мне ле́ность, Влады́чице, и дрема́ние тя́жкое бде́нными к Богу Твоими, молю́ся, моле́ньми, Нескве́рная, отжени́, и воспева́юща мя уще́дри: хва́льный отце́в Бог и препросла́влен.