Ирмос: Иже от не су́щих вся приведы́й, Сло́вом созидаемая, соверша́емая Ду́хом, Вседержи́телю Вы́шний, в любви́ Твое́й утверди́ мене́.

Изба́ви гее́нны и вся́каго ино́го томле́ния в час су́дный раба́ Твоего́, и Ца́рствия прича́стника сотвори́ Твоего́ Сы́на и Бо́га.

Уврачу́й пло́ти моея́ я́звы, и многомяте́жное помысло́в волне́ние, Влады́чице, укроти́, и ми́рное состоя́ние пода́ждь ми.

Окая́нствовав, ны́не сляко́хся лю́те, и несть исцеле́ния, Всенепоро́чная, души́ мое́й, но не в коне́ц оста́ви мя, Де́во, раба́ Твоего́.

Лице́ Твое́ Боже́ственное и честно́е яви́, молю́ Ти ся, Чи́стая, на рабе́ Твое́м и твори́ти мя научи́ оправда́ния Сы́на Твоего́.