Ирмос: Не му́дростию и си́лою и бога́тством хва́лимся, но Тобо́ю, Отчею ипоста́сною Му́дростию, Христе́; несть бо свят па́че Тебе́, Человеколю́бче.

Тя Прему́дрость Бо́жия жили́ще чисте́йшее обре́т, от пречи́стых Твоих крове́й воплоти́ся, и по рождестве́ нетле́нну яви́.

Тебе́ в стра́шнаго истяза́ния день предста́тельство нело́жное да обря́щу, и во вре́мя исхо́да моего́ ско́рое заступле́ние, Богороди́тельнице.

Тя предста́тельство, Всесвята́я Де́во, стяжа́хом; претвори́ на́ше в ра́дость се́тование, и ско́рби изба́ви, ражда́ющия смерть.

Ты, Всесвята́я, Святе́йшее ро́ждши Сло́во, освяти́ на́ша ду́ши и телеса́, блажа́щих Тя, Всеблаже́нную.