Ирмос: Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: «Во спасе́ние люде́й Твоих спасти́ пома́занныя Твоя́ прише́л еси́».

Яко зе́ницу о́ка в кро́ве Твое́м, Чи́стая, соблюди́, молю́ся, и в се́ни крилу́ Твое́ю огре́й, и де́монов лука́вствия изба́ви и спаси́ мя.

Питие́м умиле́ния мя напо́й, Богоро́дице Мариа́м, и сле́зы сподо́би приноси́ти от се́рдца, гаси́ло пла́мене, мя ожида́юща.

Страх томи́т мя суда́ и изрече́ния Бо́жия: предвари́ и предста́ни ми в день той, и изба́ви, Мари́е Богоневе́сто.

Яко тва́ри всея́ заче́нши Соде́теля, укрепля́вши вся и мо́жеши, те́мже му́ки изба́ви и вся́каго наве́та раба́ Твоего́.