Ирмос: Све́та Пода́телю и веко́в Тво́рче, Го́споди, во све́те Твоих повеле́ний наста́ви нас; ра́зве бо Тебе́, ино́го бо́га не зна́ем.

Посто́м иногда́ предочи́стився Моисе́й, услы́ша Боже́ственный глас, и Тебе́, Богома́ти, уви́де о́браз; аз же блу́дствуяй, ка́ко узрю́ свет ра́зума?

Впусты́ни Сина́йстей ма́нну Бог Изра́илю одожди́, ты же, душе́, а́ще хо́щеши ма́нны у́мныя улучи́ти, приступи́ к Сего́ Ма́тери, и препита́ет Тя.

Высокоре́чием лю́тым, я́ко Дафа́н и Авиро́н, де́ях на Бо́га сове́т, не на Моисе́я, и се под зе́млю упа́даю; Ты у́бо мя, Богома́ти, возста́ви, молю́ся.

Окая́нныя моея́ души́ сту́дныя укроти́ во́лны, Влады́чице, и пло́ти боле́зни утоли́, еди́на ро́ждшая боле́знеи́ кроме́ Бо́га воплоще́нна.