Ирмос: Нощь не светла́ неве́рным, Христе́, ве́рным же просвеще́ние в сла́дости слове́с Твоих; сего́ ра́ди к Тебе́ у́тренюю и воспева́ю Твое́ Божество́.

Необори́ма стена́ су́щи ве́рным, покро́в бу́ди рабу́ Твоему́, и вся́кии́ лю́тыя, Де́во, изми́ печа́ли и озлобле́ния.

Боля́й зело́ и обою́ду лю́те озло́блен, Всечи́стая, души́ здра́вие от Тебе́ да прииму́ Твоими моле́нии, ку́пно и телесе́.

Кпучи́не, Де́во, щедро́т Твоих и ны́не прибе́гнувый раб Твой, обдержа́ща мя сове́та непра́ведна да изба́влюся и кова́рствия.

Высока́ Твоих сла́ва моле́ний повсю́ду, Матероде́во Нескве́рная, и́миже мя и ны́не вся́каго изба́ви е́же в житии́ обстоя́ния.