Ирмос: Вначале небеса́ всеси́льным сло́вом Твоим утвержде́й, Го́споди Спа́се, и вседе́тельным и Бо́жиим Ду́хом всю си́лу их, на недви́жимем мя ка́мени испове́дания Твоего́ утверди́.

Покая́нию вся́ко зло и всяк грех повину́ется; Богоро́дице, всех наде́ждо; того́ путьми́ ны напра́ви, я́ко да возыме́вших е́ смире́нно подража́юще, грехо́в разреше́ние улучи́м.

Покая́нием разбо́йник, воздыха́ньми мыта́рь, слеза́ми блудни́ца до́бре Бо́га уми́лостивиша, аз же еди́ну на Тя, Богома́ти, призыва́ю наде́жду, е́юже му́ки изба́влюся.

Ле́ствица, ю́же ви́де Иа́ков, Сама́ еси́, Де́во: прообрази́ла у́бо еси́ доброде́телей чин, дея́ние и восхо́д. Те́мже и нам подава́й чрез пя́тый ея́ восходи́ти степе́нь[89], чу́вствия очища́ющим.

Предсказу́я Гедео́н Твое́, Дево, та́инство, на руно́ привлече́ ро́су небе́сную иногда́; Ты же ми от слез росе́ низпосла́тися Бо́га моли́, да руно́ мое́ Ду́ха испо́лню.