Ирмос: Бог сый ми́ра, Оте́ц щедро́т, Вели́каго Сове́та Твоего́ Ангела, мир подава́юща посла́л еси́ нам. Тем богоразу́мия к све́ту наста́вльшеся, от но́щи у́тренююще, славосло́вим Тя, Человеколюбче.

Исправле́ние всех па́дающих Ты еси́, немощны́х ско́рое посеще́ние, те́мже прегре ше́ньми па́дшаго лю́те и душе́ю неду́гующа исцели́ и спаси́, направля́ющи мя всеси́льною руко́ю Твое́ю, Влады́чице.

Спаси́тельное ору́жие с высоты́ ско́ро, молю́ Ти ся, Де́во, пода́ждь ми, Боже́ственное Твое́ заступле́ние, покро́в и кре́пость, с ни́миже началозло́бнаго победи́в лука́вство, спасе́ния в Бо́зе сподо́блюся, Богоблаже́нная.

Пала́то Бо́жия Сло́ва, Чи́стая, мене́, лука́вых де́лателище су́ща духо́в дея́нии сту́дными, и сих творя́ща во́лю безу́мно, покая́ния ра́ди яви́ Бо́жие жили́ще.

Вчас после́днии́ исхо́да моего́ и души́ разлуче́ния от телесе́ по́мощь мне яви́ и Побо́рница бу́ди, Нескве́рная, належа́щия враги́ неви́ди мыя отгоня́щи и к Бо́гу мя руково́дствующи.