Ирмос: Лук си́льных изнемо́же, и немощству́ющии препоя́сашася си́лою; сего́ ра́ди утверди́ся в Го́споде се́рдце мое́.

Ра́дуйся, де́вства похвале́; ра́дуйся, ражда́ющих ра́дость несконча́емая; ра́дуйся, еди́но Евы пе́рвыя спаси́тельное воззва́ние.

Ра́дуйся, ми́рови предста́тельство; ра́дуйся, святы́х а́нгел чу́до пресла́вное; ра́дуйся, Ма́ти благослове́нная Влады́ки всея́ тва́ри.

Ра́дуйся, кри́не сладкоуха́нный; ра́дуйся, мирополо́жнице и исто́чниче свяще́ния; ра́дуйся, Отрокови́це, све́та о́блаче и све́щниче седмосве́тлый.

Ра́дуйся, ши́пок неувяда́емь; ра́дуйся, де́вства Боже́ственный вресноту́[54]сосу́де; ра́дуйся, ро́да правосла́вных спасе́ние.