Ирмос: Внача́ле небеса́ всеси́льным сло́вом Твоим утвержде́й, Го́споди Спа́се, и вседе́тельным и Бо́жиим Ду́хом всю си́лу их, на недви́жимеи́ мя ка́мени испове́дания Твоего́ утверди́.

Ио́сиф дре́вле возде́ржся госпожи́ невозде́ржныя беззако́нных сласте́й, све́тлый Еги́пта царь бысть, аз же мно́гим страсте́м теле́сным безу́мно повину́выйся, ны́не яви́хся я́ко под грехо́м ца́рствуемый.

Богомати Мари́е, мы́сленнаго мя Еги́пта и рабо́ты лука́ваго исхити́, моря́ рассека́ющи лука́вых моих помысло́в, и на го́ру покая́ния возводя́щи и спаса́ющи.

Бегле́ц Боже́ственных заповедей безу́мным умо́м бых, и раб яви́хся страсте́й, и́миже души́ угаси́х, Блага́я, добро́ту; Хода́таица ми я́вльшися, преклони́ся к рабу́ Твоему́.

Оскверне́н сластьми́, молю́ Тя, Отрокови́цу Нескве́рную: от вся́кия скверны́ плотски́я свободи́, и плач чисти́телен вы́ну ми да́руй, и сле́зное гаси́ло пода́ждь пла́мене гее́нска.