Ирмос: Твоя́ победи́тельная десни́ца боголе́пно в кре́пости просла́вися: та бо, Бессме́ртне, я́ко всемогу́щая, проти́вныя сотре́, изра́ильтяном путь глубины́ новосоде́лавшая.

Две́ре Све́та у́мнаго, покая́ния ми две́ри отве́рзи, и ум мой просвета, мрак те́мный отгоня́щи греха́ и страсте́й, Всенепоро́чная.

Изба́ви ду́шу мою, Блага́я, от наси́льства лю́таго зми́я, у́дою страсте́й сию́ низводя́ща лука́вою ле́стию в поги́бели ров.

Яко благих па́че ума́ я́вльшися челове́ком Хода́таица, Пречи́стая, си́це и мне спасе́ния хода́таи́ственна ве́чнующаго и весе́лия бу́ди.

Иже вся хоте́нием Своим созда́вшее держа́вою Божества́, Сло́во Соприсносу́щее, Сего́, Нескве́рная, во утро́бе Твое́й вмести́ла еси́, на благодея́ние всем земноро́дным вопло́щшееся.