Ирмос: Утренююще, Сло́ве, в сла́ву Твою́ и хвалу́, восхваля́ем непреста́нно о́браз Креста́ Твоего́, Его́же дал еси́ нам ору́жие в по́мощь.

Ра́дуйся, вседо́брая Неве́сто Пребезнача́льнаго Отца́; ра́дуйся, Нетле́нная Ма́ти Собезнача́льнаго Сы́на; ра́дуйся, сосу́де чи́стый Ду́ха Свята́го.

Ра́дуйся, ми́ра покре́ве, ши́ршии́ о́блака; ра́дуйся, сте́лпе о́гненный, просвеща́яй су́щия во тьме; ра́дуйся, ста́мно злата́я, Ма́нну вмести́вшая.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте; ра́дуйся, по́стников Боже́ственное весе́лие.

Обурева́емаго молво́ю жите́йскою, ко приста́нищу ра́дости мя путево́ждствуи́, Де́во, Ра́дость ро́ждши ми́рови непреста́емую.