Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Ума́ моего́ вся́кое тмобезу́мие отжени́ и да́руй, Пренепоро́чная, всеокая́ннеи́ мое́й души́ лучу́ Твоея́ благода́ти: Ты бо упова́ние всех и по́мощь.

Ура́нен есмь, Пречи́стая Влады́чице, ору́жием лю́тым отмсти́теля и падо́х паде́нием

тя́жким, но оживи́ мя: Ты бо упова́ние всех и по́мощь.

Дивя́т всяк смысл чудеса́ Твоя́, Богоневе́стная, я́же излива́еши бога́тно рабо́м Твоим: Ты бо упова́ние всех и по́мощь.

Лю́ди Твоя́, Нескве́рная, испра́ви, впа́дшия в порабоще́ния ров от враг неве́рных, но уще́дри я́: Ты бо упова́ние всех и по́мощь.

Седален, глас четвертый. Подобен:Вознесы́йся:

Христиа́н нело́жное спасе́ние, гре́шных неруши́мое предста́тельство, держа́вная по́моще и прибе́жище на́ше, спаси́ мя притека́юща к Тебе́, Всесвята́я Отрокови́це, покры́й крило́ма честна́го покро́ва Твоего́, и ду́шу мою́ заступи́ та́мо, и исходя́щей той от зде́шних предста́ни.