Ирмос: Нечести́вии не у́зрят сла́вы Твоей, Христе́, но мы Тя, Единоро́дне, Оте́ческия сла́вы Сия́ние Божества́, от но́щи у́тренююще, воспева́ем Тя, Человеколюбче.

Избавля́ема лю́тых яви́ мя и прегреше́ний тлетво́рных, страсте́й, скорбе́й же и обстоя́ний, ве́рно пою́ща Тя, Богоро́дице Присноде́во.

Боже́ственный Угль пло́тию Ро́ждшая, страсте́й сластны́х моих разжже́нная у́глия росо́ю ми́лости угася́, Влады́чице, неизреченнаго благоутро́бия Твоего́.

Ду́шу мою́ я́ко зе́ницу о́ка соблюдя́ в кро́ве крилу́ Твое́ю, Блага́я, и от духо́в лука́вых свободи́ мя томле́ния и му́ки.

Всем се́рдцем моим, Богоро́дице, испове́датися Изба́вителю ду́шу мою́ окая́нную ублагости́, изрева́ющи окамене́ние ея́, Всенепоро́чная.