Ирмос: Услыша проре́к прише́ствие Твое́, Господи, и убояся, яко хощеши от Де́вы роди́тися и челове́ком яви́тися, и глаголаше: «Услы́шах слух Твой и убоя́хся, сла́ва силе Твое́й, Господи».

Ра́дуйся, ту́чная горо́, в нюже всели́ся всех Творе́ц; ра́дуйся, Свет от Све́та заче́ншая, просвети́вый вселе́нную всю; ра́дуйся, Нетле́нная Де́во, стено́ Ца́рствия неруши́мая.

Ра́дости неизрече́нныя прия́телище, ра́дуйся, Чи́стая, Всесве́тлая, Благослове́нная; ми́ра, ра́дуйся, прибе́жище; гре́шных, ра́дуйся, очисти́лище, Всецари́це; ра́дуйся, Мари́е, Це́ркве сто́лпе непоколеби́мый.

Седмосве́тлый Тя све́щник, огнь богоразу́мия нося́щ, проро́к дре́вле, Отрокови́це, прови́де, и́же во тьме неве́дения бе́дствующим светя́й. Те́мже Ти вопи́ю: просвети мя, раба́ Твоего, Всенепоро́чная.

Ста́до Твое́, Богоре́дице, ны́не бе́дствующее, спаси́, и́маши бо е́же во́лити и мощи́, я́ко всех Царя́ ро́ждшая, и изба́ви от тли́телеи́ челове́к и злообра́зных, я́ко Блага́я, раба́ Твоего.